Қазақстандық дзюдошылар Қытайдың Ордос қаласында өтіп жатқан Азия чемпионатында күміс жүлдені қанжығаға байлады.
Жарыс бағдарламасының соңғы күні аралас командалар арасында сайыс өтті. Финалда Қазақстан құрамасы Моңғолияға 0:4 есебімен жол берді. Бұл кездесуге Дана Әбдірова, Әнуар Жұмагелдин, Аида Тойшыбекова және Ғалымжан Қырықбай қатысты. Осылайша, ұлттық құрама құрлық біріншілігін 6 жүлдемен аяқтады. Бұған дейін 81 келіге дейін Әділет Алмат алтын медаль жеңіп алған болатын. Ал Эсмигүл Куюлова, Абылайхан Жұбаназар, Айдар Арапов және Аруна Жангельдина қоланы місе тұтты.
Тегтер #хабар24 #жаңалықтар #дзюдо #спортPhone: +7 (7172) 757 485
E-Mail: 24kz@khabar.kz