Ауғанстанда 17 млн адам аштықтың алдында тұр
Бұл былтырғымен салыстырғанда 3 млн адамға көп.
2021 жылы АҚШ күштері елден кетіп, билікке Талибан келгелі халықаралық көмек азайған. Жағдайды Иран мен Пәкістаннан келген миллиондаған босқындар, сондай-ақ табиғи апаттар қиындатып тұр. Мамандар әсіресе қыстың күндері аштық пен дәрі-дәрмектің жетіспеушілігінен көп тұрғын зардап шегуі мүмкін екенін айтады. Біріккен Ұлттар Ұйымының мамандары аш халыққа көмек көрсету үшін 460 млн доллардан астам қаржы қажет деп отыр.